'राजनैतिक परिदृष्यले मात्र सेयरबजार चल्दैन'
बाम गठबन्धनको सरकार बन्दैमा सेयर लगानीकर्ता आत्तिनु पर्दैन । लगानीकर्ताले राम्रा कम्पनी छानेर विवेक पु¥याएर ढुक्कसँग लगानी गरे हुन्छ । सरकारमा को छ ? को आयो भन्दापनि कुन कम्पनीको अवस्था के छ ? सबलपक्ष के छन ? दुर्बल पक्ष के छन ? त्यो हेरेर सेयरबजारमा लगानी गर्ने हो ।
यसो भएपछि मान्छे मार्केटमा टिक्न सक्छन, होईन भने लहै लहैमा लागेर सेयर किन्नेहरु डुव्छन। बाढी आएपछि माछा छोप्न पाईन्छ भनेर लगानी गर्नेहरु बाढीमा बग्न पनि सक्छन ।
बामगठबन्धन नेपाली जनताप्रति उत्तरदायी भएर जिम्मेवारी लिन आएको छ । उत्तरदायी भएन भने उनीहरुलाई पनि चियामा परेको झिगां जस्तो ट्याप्प टिपेर मिल्काउन सक्नुपर्छ । त्यो हक नेपाली जनताको छ । यसैले उनीहरुले जनताको चाहाना बमोजिम काम गर्नुपर्छ । गर्लान पनि ।
राजनितिक रुपमा सरकारमा को आँउछ र को जान्छ भन्ने कुराले सेयर बजारमा तलमाथि हुन्छ भन्ने कुरामा म सहमत हुन सक्दिन । सैद्धान्तिक रुपमा बाम गठबन्धनको सरकार आउँदा राजनैतिक स्थायित्व हुन्छ, अब स्थायी सरकार बन्छ भन्ने सन्देश जानुपर्ने हो ।
स्थायी सरकार हुने भएपछि लगानीकर्ताहरु ढुक्क हुनुपर्ने हो, तर, त्यसो किन हुन सकिरहेको छैन भन्दा बजारमा चलखेल गर्नेहरु धेरै छन । अहिले पनि बजारमा फलानो मन्त्री आए मालामाल हुने, फलाना आए खत्तम हुने आदि चर्चा हुने गर्छ । सेयर बजार बहानाहरु राखेर लगानी गर्ने ठाँउ होईन ।
राजनैतिक परिदृष्यले मात्र सेयरबजार चल्छ ्भन्न थालियो भन्यो त्यो जनताहरुलाई भ्रम छर्ने काम मात्र हुन्छ । नेपालको सेयरबजार आर्थिक सूचकहरुले परिभाषित गर्ने दिशामा रहनुपर्छ ।
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment